Church Education committee hrihhawhnak in Sunday School cawnpiaktu le nulepa tonnak cu a ra laimi 10. June. 2017 nubu thlacam dih hnuah tuah dingin timhtuahnak ngeih a si. Kan fale caah zaanghlei cawi in an kan timhtuahpiak mi a si caah nulepa hna kan dihlak kai cio awkah kan in sawm.
Kan fale sunday school ah zeitindah an umṭhut ti a thei lo kan tam ngai cio lai dah. Cawnpiaktu lei in kan fale kong siseh, nulepa hna ṭuanvo kan ngeih mi tampi chimh ding le ruah ding a kan ngeih lai. Cun nulepa lei zong in kan fale siter kan duhmi hna cawnpiaktu sinah hmaitonh tein chimhruahnak caanṭha kan hmuh mi a si ve lai. Hi tonnak kan ngeihmi nih hin cawnpiaktu le nulepa karlak ah rianṭuanṭinak lamsialtu ṭha a chuahpi hrim lai tiah kan i ruahchan. Lungtho tein kan fale caah caan pek khawh i zuam cio hna u sih.
A hmun: Brunnesveien 30, 4322 Sandnes (Biakinn thar)
A ni: June 10, 2017
A caan: 13.30 – 18.00
