Johan 3:30
A nih cu a ṭhangcho lai i kei cu ka ṭumchuk lai a titu hi tipil petu Johan asi, A nunnak kan zoh tikah khuaruahhar in a khat mi pa a si. A konglam ṭialnak bible cauk rel tikah biakam hlun ah rak phuan chung mi kha a si. A chungnak kan hlat tikah a cing cangmi nu sinin hrin mi khuaruahhar pa a si fawn. Biakam hlun cauk chungah Prophet hmanung bik a si ti kan hmuh i, Zultu zong Jesuh bang a ngei vemi a si.

Bawipa Jesuh hrimhrim nih:)- nu chungin a chuakmi lakah vawlei cungah hin Johan tlukin a nganmi ahohmanh an um lo (mtt 11:11). Cu tluk mi lianngan nih cun a nih cu an ṭhangcho lai i kei cu ka ṭumchuk lai tiah a ti. Messiah rat a hngak mi hna nih:- Messiah na si maw? Elijah na si maw? Prophet na si maw? tiah an hal lengmang lio ah ka si lo tiah langhngan tein a leh hna. ( John 1:20)

A nunnak ah hin porhlawtnak a ngei lo. Ruamkainak zong a ngei lo i Toidornak tuin a khat. Asining lengin um a duh lo, Asining tein um a duhmi a si. Amah a zultu lila hmanh kha Jesuh zultu ah a ser hna.

Johan bantuk lungput le nunzia hi mi vialte nih kan herh bik mi nunzia an rak si. Tangdor nun le biatak a tanhmi kan si ahcun kan chungkhar, kan khrihfabu, kan khua, kan ram, kan miphun hi a dam ko hnga.