To, Church Chairman/Pastor,
Akong: Euro-Chin Vision Conference 2017 (ECV2017) Ah Sawmnak
Upatmi Khrihfabu,
Kan Bawipa Jesuh Khrih nih vel le daihnak in pe ko hna seh! Acung i kan rak langhtermi kong he pehtlaiin Europe ram a ummi kan Chin miphun caah a ra laimi July 12-15, 2017 ah a voi 4nak “Euro-Chin Vision Conference 2017” cu hlunghlai ngai in Stavanger/Sandnes, Norway ram ah tuah than dingin timhlamhnak kan ngei . Cucaah, hi Conference ah hin nan Khrihfabu dihlak nan rak I tel venak lai Jesuh min in kan in sawm than ko hna.
Zaangfahnakin, hi ECV Conference ni July 12-15 ahhin Khrihfabu nih Program dang nan kan ngeih piak lo ahcun kan I lawm tuk ko lai. Hi Conference pi nih aa tinhmi cu: Europe ram chung a um kan miphun a lamkip in kan I thanghnak ding le kan thanchonak ding le Vision ngei bu tein nun kan thiamnak ding, caah a si.
Hi Conference luhnak (man/fee) cu free/alak a si lai (Register tuahnak ah 20Kr – 30Kr a si te kho men). Nain Bawipa sunparnak caah tiah mah lungduhnak a ngeimi nih cun Khrihfabu min in siseh, pumpak min in siseh nan chawva (phaisa) in I tel cio ding in Jesuh min in kan in sawm hna.
Nikum ECV caah thlacamnak, chawva le a phunphun in nan kan tanpinak cungah Bawipa Pathian nih in theihpiak hna sehlaw, thluachuahnak Amah tu nih in pe ko hna seh. Tukum zongah, ECV nih nan Khrihfabu cu a zeilei paoh in kan in bochan ko hna. Nan thlacam bawmhnak zong tampi kan herh ko. Conference ah dam le lunglawm tein kan i tong te hna lai. Nan Khrihfabu dihlak Bawipa nih thluachuahnak in pe ko hna seh.
Khrih ah nan riantuan hawi,
ECV upa aiawh in,
Bawi Tha Kung
