Zeiruangah dah “Hringtu nu le pa Ni” hi “Zarhpi Ni” ah kan hmang?

By Pastor Sang Uk Cung

Thluachuah tlamtling hmuh khawhnak dingah “Hringtu Nu le Pa upat pek” cu a herh hringhran. Cu tluk in a biapimi cu kan innchungkhar, kan zatlang nun, lawngah siloin kan Biakinn hrimhrim ah kan i cawnpiaknak hi Khrihfabu tuanbia ah kum tampi a liam cang. A sinain Chanthar cawnpiaktu cheukhat nih “Hringtu Nu le Pa Upatpek Ni” hi zarhpi zing pumhnak ah kan hman a herh lo tiah fakpi in an aupi caah Khrihfabu cheukhat ah elnak le buainak a um len caah zeiruangah dah kan hmang? Timi hi langhter ka duh.


  1. Nu le Pa upat cu Baibal nih cawnpiaknak a si: Nawlbia pahra chung hrimhrim ah, “Nan nu le nan pa kha upat hna u, cu tin a tuah ahcun, Bawipa na Pathian nih an pekmi hna ram ah hin saupi nan um lai” tiah kan hmuh. (Exodus 20:12). Phungthlukbia 23:22, “Nangmah an hringtu na pa kha a bia va ngai, nan nu kha a tar tukah va serhsat hlah.” Tiah kan hmuh. Cucaah Nu le pa upat cu baibal fialmi a si caah zarhpi zing hrimhrim ah kan i cawnpiak a herh.
  2. Nu le Pa Upatpek cu Khrihfa rian a si: Kolose 3:20, “Hngakchia hna, Khrihfa nan si caah nan nu le nan pa kha upat hna u, cucu Pathian lawmhmi thil a si. Pathain nih a lawmhmi thil kan i cawnpiak peng a herh. Cun, Efesa 6:2-3, “Na nu le na pa upat hna, ti hi nawlbia hmasa bik a si i, “cu ti na tuah ahcun na caah a ṭha lai i ram chungah saupi na nung lai,” tiah chap chih a si. Khrihfa nun ah kan chambaubikmi cu hringtu nu le pa upatpek hi a si. Cucaah fakpi in kan i cawnpiak a herh tuk.
  3. Nu le pa Upat lo cu Tih a nung, ti cawnpiak Ni a si: Phungthlukbia 20:17, “A pa kha a nihsawh i a nu kha a tar tikah zei ah a rel lomi cu, a mit kha nelrawn langak nih an khoih lai i langta nih an ei lai.” Tiah a kan cawnpiak. Cun, Pathian nih cun, ‘Na nu le na pa kha va upat hna, a nu siseh a pa siseh a congoihmi cu thah si seh,’ tiah a ti.(Matt.15:4).A chimduhmi cu nu le pa nawl ngaihlonak cun na thih a tha deuh ti khi a si ko. Nun zong ah nun chan ngeilo cu nu le pa bia a ngailomi hi an si. Nan nun van i chek ve.
  4. Nu le Pa zong Fale caah kan biapi tuk, ti cawnpiak Ni a si: Mi pakhatkhat nih a rualchan kha a zohkhenh hna lo ahcun, cun cu nak hmanh in a biapi deuh a simi cu, a innchungkhar kha a zohkhenh hna lo ahcun, amah cu zumhnak a hlawmi, Pathian a zum lomi nak hmanh in a tha lo deuhmi a si,(ITimote 5:8). Tiah kan hmuh. Chungkhar zohkhenh kho lo nu le pa cu zumlotu nak hmanh in an tha lo deuh tiah Paul nih a kan cawnpiak ti. Fa le fel lawng duh i mah duh poah a nungmi caah cawnpiak kan herh ve. Phungthlukbia 22:6, “A zulh awk a simi lam kha ngakchia cu cawnpiak law, a upat tikah mah cucu a pialtak ti lai lo.” Tiah kan hmuh bantuk in kan fa le kha kan nun in cawnpiak a herh ve. Phungthlukbia 20:7 ahcun, “Mipa cu a nunning kha a din i a that ahcun a hnu i a tefa hna cu thluachuahmi an si. Tiah kan hmuh fawn. Fa le hi nunzia dawh in cawnpiak a herh hrinhran ko.

Pathian thiangthlarau nih fiannak in pek ko hna seh.

Credit: Sanguk Cung Facebook Page

Use Facebook to Comment on this Post

arrow
0
Connecting
Please wait...
Send a message

Sorry, we aren't online at the moment. Leave a message.

Your name
* Email
* Describe your issue
Login now

Need more help? Save time by starting your support request online.

Your name
* Email
* Describe your issue
We're online!
Feedback

Help us help you better! Feel free to leave us any additional feedback.

How do you rate our support?