Chan he aa tlakmi Hruaitu 

By: Pastor Sang Uk Cung

Greek holh “metanoia” timi biafang sullam cu “minung ruahnak le thinlung le nuning thlen” kha a sawh duhmi a si. Chan aa thlenning kan zoh tikah a rang tuk. Cu thlennak nih cun kan dirhmun kha kan i hngalhlo kar in a thlen lengmang ve. Minung poahpaoh nih kanmah kokek sining te kha upat piak hi kan i lawmh bikmi le kan i upat bikmi an si cio.

Chan ruagah midang he fonh in kan thu dir hna. Cu tikah hruaitu/ Pastor nih midang kokek sining kip, duhning kip, ruahnak kip, hmunning kip, le pomning kip he kan i fonh tikah kanmah lei in thil tampi kan theih awk tampi a um. Cucu nangmah na kokek sining, duhning, ruahnak, hmunning, le pomning kha upat piak/ cohlan piak/ thangthat piak na duh bantuk te khan, midang zong nih an duh bikmi le an i lawmhnak sangbik a si ve ti kha chan he aa tlakmi hruaitu nih cun theih le cohan hrimhrim a herh.
Chrysoston nih, “Rili thlichia tilet tihnungmi lakah a kalmi thil mansung tampi a phormi tinbaw mawgtu dingah zeitik hmanh ah a thiam lomi kha an mawnghter bal hna lo. An mawnghter sual ahcun tinbaw pi le a chung thil mansung vialte cu rili tangah an pil dih ko lai. Zeitluk mihrut dah an si, kha bantuk a thiam lomi pi mawngh ter cu? Tiin an rak chim. A chim duh taktakmi cu Khrihfabu nih harnak tilet tihnung a ton tikah fimchimh lamhruai ning, thithruai ning le zohkhen kilkawl ning cang a thiam lomi pastor nih Khrihfabu mawnghter cu zeitluk tihnung dah a si a ti duhnak a si.

World Healh Organization nih, “Caan khat teah vawlei cung minung million 100 hna hi lung nuamlo(depressed) in an zaw” a ti. Hi bantuk harnak chungah Pastorte finchim a thiam lomi kan si ahcun kan khrihfabu harnak nih a den peng ko lai. R.E. Graham nih, “Harnak (crisis) timi cu minung kha thir lengmang le phang lengmang in a kan umtertu thil a si” Vawlei cu harnak he kan then kho lo. Cucaah Pastor or hruaitu pakhat nih Khrihfabu harnak tilet tihnung a ton tikah fimchimh lamhruai ning, thithruai ning, le zohkhen kilkawl ning cang a thiam lo a si ahcun Tibawng mongh thiamlo he khan aa khat bak.
Thlarau lei mifim Lawrence E. Holst nih, “Fimchimhnak timi cu bia in siseh, tuahsernak in siseh, pehtlaihnak in siseh, mi nih Pathian dawhtnak le umpinak an hngah khawhnak hnga caah va bawmh khi a si” a ti. Baibal lei mifim David K. Switzer tu nih cun, “Fim chimh or zohkhenh timi cu harnak a ingmi sinah harnak va in ve, an ngeihchiatmi sinah va chiatpi ve i an sining va i hrawm ve, anmah he va i pumhkhat khawh khi a si” a ti. Phundang in kan chim ahcun lungthin taktak dawtnak le zawnruahnak a cungah va langhter khi a si.

Chanthar Khrihfabu Hruaitu kong ah hruaitu mithang pahnih a simi, Joe E. Trull le James E. Carter nih “Ministerial Ethics” timi cauk an tialmi chung hruaitu/pastor lungthin putning pahnih kong a tial. Cucu Pastor/hruaitu dirhmun na sinak ah nangmah cu:
1. Khrihfabu member caah hawikom maw na si? Ral dah?
2. Khrihfabu na hruainak ah midang nih caan an in hal tikah Midonhnak lungput (Exclusive mind) maw na ngeih? Or cohlangnak lungput (inclusive mind) dah?
3. Khrihfabu meeting le khuakhan lairelnak ah a tha lei i khua a ruatmi( Positive thinking) maw na si? Or A tha lo lei peng i ruatmi( Negative thinking) dah?

A cunglei biahalnak pakhatnak chungah chanthar khrihfabu nih cun Jesuh Khrihfah chungkhar lungput ngeih in kan i dannak cio kha upat piak thiam cio in dawtnak lungput he kan member vialte caah hawikom bantuk in um thiam hi hruaitu tha nihcun a ngeih awk a si. Mihuat hmangmi le thlendan hmangmi hruaitu cu zei tik hmanh ah a thlum al kho bal lai lo.
Pahnihnak ah kan Khrihfabu cio nih kan tonmi cu Pastorte nih kan Pulpit ah caan kan hmang kho ti lo. Cucaah midonh maw a tha deuh? Or caan pek dah? Ti hi kan ceih ciomi a si. Kan nih Khrihfabu(Carson Baptist Church) cu Pathian biatak a phungtu, misawi, midang zumhning sawi a hmanglomi le Khamhnak thawngtha thiangte a phungmi poah cu innka kaupi kan awn. Hi nih hin kan Khrihfabu ah miaknak tampi a chuahter ko.

Pathumnak cu mifim mi nih an chimmi cu nifa kan nunnak ah hin a thalei khuaruahnak le a chialei khuaruahnak ah hin a zei hi dah minung kan nunnak ah nawmhnak le thanchonak a pek deuh tiah hlathlainak an tuah i, a thalei kap poah in khuaruahnak a ngeimi nih hin nawmhnak le thanchonak an hmuh deuh ti a si.

Na Khrihfabu na hruainak ah Midonh hmangmi maw? cohlangmi dah? Meeting le khuakhan lairelnak ah a thalei in tahfung a kengmi maw na si? A thalo lei deuh in thahfung a kengmi dah? Cu na dirhmuh nih teh na rian ah diriahnak an pe maw?

Paul nihcun Rom12:15-18 ah, “Aa lawmmi sinah vaa lawm ve u, a ṭapmi sinah va ṭap ve u. Pakhat le pakhat nan zawn i ruat dih u. Lungpuam in um hlah u, rian hme tete ṭuan duhnak lungthin kha ngei u. Ka fim tiah vaa ruat hlah u. Mi nih nan cungah ṭhatlonak an tuah ahcun ṭhatlonak in va lehrul hna hlah u. Mi vialte nih a ṭha tiah an ruahmi kha tuah i zuam u. Mi vialte he i rem awk kha nan i zuam khawh chungin i zuam u”. Amen!

Credit by Sanguk Cung Facebook page

Use Facebook to Comment on this Post

arrow
0
Connecting
Please wait...
Send a message

Sorry, we aren't online at the moment. Leave a message.

Your name
* Email
* Describe your issue
Login now

Need more help? Save time by starting your support request online.

Your name
* Email
* Describe your issue
We're online!
Feedback

Help us help you better! Feel free to leave us any additional feedback.

How do you rate our support?