Paul ih Mission Rianṭuannak Hmuh ning: Pauline Model

NCCF Mission Consultation le EC Meeting

(Jan I 8-20. 2013 : NCMC, Oslo, Norway)

Corinthians 9:19-25, (John 1:14,  2Cor 8:9, Gal  4:5-6)

NCCF Mission consultation le EC meeting ah telve ding in (observer) caan ka hmuh ve caah lunglawmhnak tampi ka nei. Lam hruaitu Pathian cung ah siseh, NCCF hruaitu upa hna siseh, lunglawmhnak tampi ka nei ti langhter ṭhan ka duh. Mission rian ṭuannak he peh tlai in Bible lei in hmuh ning (Biblical perspectivel tampi lakah pakhat a si mi le, vawlei cung khrihfabu tuanbia ah missionary ngan bik (mi nung lak ah) a si mi Paul ih mission kong he pehtlai in a kal pi ning (approach, strategy) tlawm pal te hika zong ah langhter ṭhan ka duh mi si.

  1. Pathian nih vawlei minung khamhnak rian a ṭuan tikah minung ruahchan ning theng in a ṭuah tawn lo ti kan hmuh  khawh:  Messiah  cu David siangpahrang  Inn  chung  in  Jerusalem  ah  a chak lai (Davidic expectation) ti mi le, asiloah van in minmei in a ra te lai (apocalyptic expectation) a rak um nain Jesuh (Pathian Mission) a rat tik ah pakhat hmanh a si lo ti kan hmuh khawh. Hi kong kan zoh tikah, Pathin nih mission approach/strategy in sinak canpi (siangpahrang in rat) si lo in canter duhmi hna sinak ah canve (minung ah can ve) tu hi a si kha kan hmuh mi si (Johan 1:14. the word became flesh). Pathian bia in  a hngak mi hna nih vawlei taksa tu in an ton tik ah cohlan awk an har ngaingai nak cu si ve. .A ruang cu Pathian nih khan vancung asinak kha canpi lo in, vawlei mi nung sinak tu ah a cang ve caah si.
  2. Kan ṭuan duhnak hmun le minung (context) ah canve nak lam asi tik ah a kalh ngaingai mi (paradox) ah a cang tawn. Kan sinak i elnak (self denial) asi. Mah le mah i elnak timi hi kan mah he a pehtlai mi hna elnak asi lo, kan mah le kan mah i el khawhnak tu hi asi (Hans Kung). Mah sinak i el khawh lo ah cun mi sinak ah i can ve ding kha a har ngaingai mi si (Mat 16:24). Pathian fapa Jesuh kha vawlei minung ah a can ve nak cu, vawlei mi vialte kha Pathian fanu fapa (ro voitu/heirs) ah canter a duh caah si fawn (2Cor 8:9; Gal 4:5). Pathian mission kan zoh tikah a mah sinak a el ih, minung sinak a hrawm ve: a tinhmi cu minung asi mi hna kha Pathian rocotu mi rum (fanu fapa) ah canter ding ah si. Hika ah a fiang ngai mi cu Pathian mission strategy cu Pathian kha minung ah can ve asi ih, a mission goal cu minung kha Pathian fanu fapa ah canter cu si (approach and goal hi a kalh ngai mi an lo nain, a bom ngai mi an si ṭhan ko: Paradox cu asi nain, relational cu an si ṭhan ṭhiamṭhiam tinak si).
  3. Biadang in kan chim asi ah cun, Being” and “Becoming” hna ih an i pehtlaihnak tiah kan ti khawh. Mi vialte sal si khawh (becoming servant) ding ah cun, mi luat si hmasa (being free) si a hau. Phun dang in chim ah cun, mah le mah el khawh ding ah cun mah le mah a el kho mi Pathian ih fanu fapa (free) si hmasa a han. Mah le mah el khawhnak kan neih rih lo ah cun, mission kan tuan tik ah Pathian rocotu (fanu fapa) ah canter nak hnak in kan mah ah canter kan i tim tawn. Kan mah kha kan mission ram (context) sinak i hrawm ding nak in an mah tu kha kan mah bantuk ah canter kan duh tawn. Pauline model kan zoh tik ah mission rian ah hin, kan can ding mi hi an mah bantuk asi ih, kan canter ding mi cu Pathian rocotu (fanu fapa) ah asi.
  4. Hi ti kan chim tikah mission rianṭuannak hi dirhmun nei lo mi rianṭuannak asi lo. Kan dirhmun cu Pathian dawtnak (love of God as foundational principle) tu asi deuh. Minung nunphung le sinning hna cu a herhning in kan lonh khawh mi, kan i hrawm khawhmi asi tinak a si. Standard kan nei lo tinak asi lo, privilege kan neihmi tu hi kan kaltak, kan el, kan hlawt tinak si. Cu ti kan nun tik ah a titermi (hypocrisy) kan si fawn lo, Pathian sin ah kan hruai ding mi hna kan dawtnak le kan zaangfahnak (sympathy) tu hi asi tinak si. Flexible and adaptable asinak kha kan langhter duhmi si.
  5. Pathian nih a fapa Jesuh a thlah ih a ṭuanmi mission khamhnak cu direction pahnih lawng a ngei kan ti khawh: Pathian kha minung ah a cannak thawng in minung kha Pathian fanu fapa ah kan cang ṭhan. A cung lei kan chim cia bantuk khan, mission strategy cu Pathian kha minung ah a cang ih minung kha Pathian fanu fapa ah an cang ve. Asinain, minung nih Bawipa rian, mission kan ṭuantik ah cun directions pahnih lawng asi ti lo. Directions pathum a um cang: mission rian ṭuantu kan mah kha Pathian fanu fapa kan cannak, kanmah kha kan ṭuannak ding mi mission ram le miphun sinah an mah bantuk ih kan cannak, le an mah kha Pathian fanu fapa ah an canvenak ti in kan hmuh khawh. Phun dang in kan chim ah cun, mission rian ṭuantu hi mah duhmi (ideology) ah mi cantertu politician (nainganzi tama) bantuk kan si lo, a kan fialtu Pathian duhning in vawlei minung hna sinah rianṭuan ih Pathian mi ah canter tu ding lamkaltu (ambassador) kan si.
  6. Hi rian kan ṭuan tikah, kan i pehtlaih ning hi vanpang (wall) bantuk si lo in hlei (bridge) bantuk tu hi asi awk si: vanpang nih cun, khat lei le khatlei phenh a hmang ih, hlei nih cun khat lei le khat lei hmuhfiannak le pehtlaihnak (direct access) a nei. Paul nih thawngṭha a chim tikah (mission) Pathian le amah an i pehtlaihnak a fian bantuk in Pathian le mipi (mi dang) pehtlaihnak zong fiang tein a neihter.

Law Ha Ling (ZTC)

Use Facebook to Comment on this Post

arrow
0
Connecting
Please wait...
Send a message

Sorry, we aren't online at the moment. Leave a message.

Your name
* Email
* Describe your issue
Login now

Need more help? Save time by starting your support request online.

Your name
* Email
* Describe your issue
We're online!
Feedback

Help us help you better! Feel free to leave us any additional feedback.

How do you rate our support?