Laimi Khrihfa Phun 5

1. Legalistic Christians: Hi Laimi legalistic Khrifa hna nih cun Pathian bia hi thuk in an thei lo. Baibal hi cauk dang pakhat rel sawhsawh bantuk in an rel. Baibal hi a thiam in an thiam. An nun lio ah khamh an si lai le si lai lo zong ai theifiang lo mi Krihfa an si. Hawi pumh ah an i pum ve, hawi lawi ah an lawi ve. Thlarau lei thil zong hi an hmu kho lo. Pathian lei i ai biatak mi le phungchim tha a tho deuh mi poh hi mi hngal ah an rel hna. Evangelist le an bu chungah a um lo mi riantuantu vialte cu pawcawmnak caah a vakvai mi ah an rel hna. An chim cem mi cu sociology (Lu-hmuh-zi), science (fimthiamnak), technology (tthanchonak), cultural reformation (nunphung), ethnicity (miphun kong) deuh hi ansi. An phungchim mi ah Pathian bia hi zohdawhnak ah tlawnte an telh ve.

2. Spiritualists: Spiritual extremists ti khawh zong ansi. Thlarau an uar tuk nak ah Baibal lengtiang in thlarau riantuannak a kawl mi an si. Acheu cu hrut lak le mawlh lak in a kawl mi zong an um. Pathian nih Baibal in minung hna a kan cawnpiaknak nakin Pathian nih a tuchan minung hna sinin biaphuan thar a um hngamaw titu an kawl deuh. Pathian bia tu uar tuk loin larnak, ttul-nak, khuaruahhar hmuh tonnak an uar deuh. A zawn he zawn lo he laam le kui lawngte a ruat mi, mission tuah vial ai tim tung lo mi, thil tha tuah zong hawi nakin ai zuam hlei ttung lo mi an si.

3. Separatists: An mah lawng Pathian dawhnak a tuah mi le van kai ding ah ai rel mi an si. Bu dang minung cu a thit zong thit lo ding, a komh zong komh lo ding ti tiang in ai cawnpiak mi ansi. Chungkhat sahlawh he zong ai then dih mi Krihfa an si. Eg. The Church

4. Radical Christians: Hriamnaam in zumlotu cozah kha doh i Pathian ram dirh ding asi tiah an cawnpiak hna. Baibal ca pin ah an hruaitu biaphuan kha Pathian bia ah an ruah. “Tapung doctrine a pawm mi an si”. Eg. Hlanlio Kio Luai bu, Zauk bu

5. Fundamentalists: Lu-hmuh-zi pakhat hmanh ruat loin Pathian bia lawng a ruat mi ansi. Bu sawisel le mi sawisel lo cun phung an chim kho lo. An mah le an mah zong ai rem mi an um lo. Kei mah kal ning hi a hman bik, a dik bik a ti mi an si. Eg. Evangelist pawl.

Nang zei ah dah nai tel ve?

Rev. Aung Myint Thang
Yangon

Note: Internet chungin laak chinmi a si.

Use Facebook to Comment on this Post

arrow
0
Connecting
Please wait...
Send a message

Sorry, we aren't online at the moment. Leave a message.

Your name
* Email
* Describe your issue
Login now

Need more help? Save time by starting your support request online.

Your name
* Email
* Describe your issue
We're online!
Feedback

Help us help you better! Feel free to leave us any additional feedback.

How do you rate our support?