Baibal le Pathian Bia Kan Pomning

Biahmaithi

Pathian nih Lai miphun cu a kan dawt caah riliral American Siangbawite hmangin zungzal nunnak thawngthabia ceunak cu 1899 kum thok in kan sin ah a hung phakter.  Hlan lio ah kannih Laimi phun cu mah min tial hmanh a rak thiam lo mi muihnak pennak chungah a rak nungmi kan raksi nain Pathian a kan dawtmi miphun kansi ve caah a tu cu amah miphun ah Pathian nih a kan ser cang.  Hlan ahcun Laimi nih van le vawlei a sertu Khuazing Pathian kan ral hngal kan ti nain nihin ah kan hngalhmi Pathian nung khamhnak, dawtnak le a zangfahnak ngaingai kha thukpi kan rak hngal lo. Hlanlio ah Laimi nih kan rak hngalhmi khuazing Pathian cu dingthlu lairel tu, a dingmi Pathian ti long kha kan rak hngalhmi asi.  Nihin kan hngalhmi Pathian cu a nungmi Pathian, a thiang hlimmi Pathian, dawtnak Pathian, sual ngaithiam khotu Pathian, dinnak Pathian, remnak Pathian le zeizong vialte ser khotu a liannganmi Pathian kha asi.  Cu pin ah kan Pathian cu a thawngmi Pathian, nunnak thar pe kho tu, thlarau taksa thinlung damnak pe khotu le, minung miphun hna caah remnak daihnak le dinnak a ser khotu Pathian zong asi. Pathian nih kan Lai miphun cu hmaisabik ah Baptist Khrihfabu hmangin a kan kawhmi kansi. Cu caah vawlei khuazaram kip a phanmi le Kawlram le Lairam ah a ummi Laimi Khrihfa dihlak kan rak i thawknak kan hrampi Khrihfabu cu Baptist Khrihfabu asi. Pathian nih Baptist Khrihfa siangbawite hmangin kan Lairam le kan Lai miphun sinah thawngthabia thlaici ceunak kha a phakter hnu ah zeihmanh a raksi lomi ca hmanh a rak ngeilo mi Lai miphun cu nihin ah vawlei pumpi nih theihmi miphun, Khrihfa miphun, pakhat ah a kan ser cang caah a min cu thangthat chin ko uh sih.

NCCF Bible Conference, Egersund

Cu bantuk in Laimi phun sinah thawngthabia a phaknak kum zabu pakhat a tlin hnu pin lei nihin ni ah vawlei cung khuazaram kip a phanmi Laimi Khrihfa le ramchung ummi Laimi Khrihfa vialte hna nih Pathian kan zumhning, thawngthabia kan dirpi ning, le Khrihfa kan nunning hna hi thatein zohthan in thlarau taksa huap in a ngan a dammi zumhnak, Khrih ah pumkhat sinak lungput than choternak le thlarau lei ah a lamkip in thannak kan ngeih khawhnak hnga a tanglei thil hna hi thukpi ruat hna uh sih tiah Bawi Khrih min in kan sawm hna.

 Ka piangthar, Pathian bia cu a biafang in ka dirpi titung i nunning ziaza, lungput le tuahsernak ah lih a chim lengmangmi sualnak a tuah lengmangmi Khrihfa cu muihnak chungah a um rihmi kan si i kan chungah Pathian bia a um lo. Cu bantuk Khirhfa hna cu Jesuh nih mi depde tiah Farasi pawl a ti mi hna bantuk kha kan si.

Baibal le Pathian Bia kan pomning

Baibal cu Pathian bia aa khumhnak asi nain minung chimmi bia zong khumhchih asi caah Pathian bia, biatak le Baibal cauk cu aa dang.  Baibal cu uk 66 (OT 39, NT 27) komhmi cauk (Greek: biblos) asi. A tialtu minung 40 ring lo nih kum 1600 chungah an tial i nihin ah kum 3000 deng a rau cangmi asi. A tialtu hna zong ngatlai Peter thawk in zung cazi, sibawi, hla phuahtu (poets), zuksuaithiam (artists), khuathuk ruat mifim (philosophers), profets, tlangbawi le siangpahrang hna tiang an i tel.

  1. Baibal cu minung tuanbia le Pathian phuannak tuanbia fonhmi Pathian-minung tuanbia lian asi. John 1:14: Bia cu minung ah aa cang i kan lakah khua a rungsa. Bia cu minung le vulei cung tuanbia chungah a hung lut i a nung a col a cang, rian a tuan tinak asi.  Pathian bia minung le sermi thil tuanbia chungah aa hrolh i rian a tuanmi hi Pathian bia cu a nung kan timi sullam asi.  Heb.1:1-2 ah “Kan sinah A Fapa in a bia cu a chim.” “Fapa” timi cu minung le pathian tuanbia a peh tonhnak (meeting point) asi. Minung holh, minung tuanbia, minung sining le sermi kokek sining hmang in Pathian nih kan sin ah bia a chim tinak asi.
  2. Baibal cauk cu Pathian asi lo. Baibal cauk kha Pathian ah ser duak in biak ding asi lo. Baibal cu Pathian phuannak kong tialnak cauk long asi. Baibal kha Pathian ah a sermi zumhnak cu “Bibliolatry”, timi cu Baibal kha siasal a sermi zumhnak le biaknak asi.  John 5:39: Jesuh nih cathiang kha thaten nan kawl, cu nan kawl cu cathiang chungah zungzal nunnak kan hmuh hmanh maw tiah ruahnak nan ngieh caaah asi.  Asinain cathiang nih a dihlak in a chimmi cu keimah kong hi asi.
    NCCF Bible Conferece, Egersund

    Sihmanhsehlaw nunnak ngeihawk ah keimah sin rat tu cu nan duh lo.”  Phundang in chim ahcun Cathiang timi cu Jesuh Khrih kong hi asi.  A chungah zungzal nunnak a um. Sihmanhsehlaw nunnak taktak cu a cauk sinak ah a um lo, cauk nih a chimmi Jesuh Khrih ah khan a um.  Baibal a rian cu Jesuh le minung tonter kha asi.  Minung kha Pathian sin kalnak lam hmuhsak kha asi i cu caah Baibal cu lamhmuhsak tu asi, Pathian asi lo.  Psalm 119:105 ah “Na bia cu ka ke caah mei inn asi. Ka lam ah ceunak asi.”  Pathian bia cu ceunak asi.  John 1:4-5 ah, “Bia cun nunnak hram asi i cu nunnak nihcun minung kha ceunak a pek.  Ceunak cu muilak ah khan a ceu i muihnak nihkhan zeitikhmanh ah a hmit bal lo.” Ka piangthar, Pathian bia cu a biafang in ka dirpi titung i nunning ziaza, lungput le tuahsernak ah lih a chim lengmangmi sualnak a tuah lengmangmi Khrihfa cu muihnak chungah a um rihmi kan si i kan chungah Pathian bia a um lo. Cu bantuk Khirhfa hna cu Jesuh nih mi depde tiah Farasi pawl a ti mi hna bantuk kha kan si.  Jeim 1:22:  A bia cu theih long a zaa lo. A tuah tu in tuah u.  Jeim nih Baibal cu “thlalang” in a tahchunh. Kei nih Baibal cu “Telescope” khua zohnak in tahchunh ka duh ve.  Telescope in zoh ahcun lam hlapi thil le a hmete thil tiang kan hmuh khawh nain amah telescope kha zoh ahcun zeihmanh kan hmu lo.  Cu bantuk cun Baibal cauk asi ve.

Note: NCCF Bible Conference  ah Rev. Dr. Semuel Ngun Ling cawnpiaknak chungin lakmi a si. Voikhat rel awk ah a sau deuh lai caah a daldal in kan ṭhennak a si. Kan rak peh ṭhan te lai I a donghnak ah a dihlak download tuah ṭha in kan rak post te lai. A chung cabia le cafang kan remh lo. Amah ning tein kan rak taar mi a si.

Go to next Link: Bible le Pumpak Zumhning

Use Facebook to Comment on this Post

arrow
0
Connecting
Please wait...
Send a message

Sorry, we aren't online at the moment. Leave a message.

Your name
* Email
* Describe your issue
Login now

Need more help? Save time by starting your support request online.

Your name
* Email
* Describe your issue
We're online!
Feedback

Help us help you better! Feel free to leave us any additional feedback.

How do you rate our support?