Herod Le A Fale

Rom uktu hna nih BCE 37 ah Judahmi le Idumaen thicawh Herod cu Palestine uktu ah an chiah. Thilti kho ngai a si i Rom uktu lung a tong kho ngaimi a si caah Rom siangpahrang nih siangpahrang timi min an benh ve. Jerusalem biakinn pi zong a amhtu le a dihtu taktak cu Herod hi a si. Asinain miṭhalo le nahchuah hmang a si caah a nupi Mariamme le a fale pathum Alexander, Aristobulus le Antipater a thah hna. Antipater hoi hi cu ka rian a ka cuh lai tiin a thih laite ni nga ah a thah.

Herod Ngan hi BCE 4 ah a thi. Bawi Jesuh hi amah chan ah a chuak i ka pennak a ka cuh lai tiin kum 2 tang ngakchia a thah hna caah a thih ah hin Jesuh hi kum hnih tang deuh hrawng a si lai tiin Jesuh hi BCE 6-4 ah a chuak lai an tinak a si. An pa a thih in a taangmi a fapa pathum nih an pa pennak cu an i cheu i Archelaus nih Judea a co. Asinain kum 10 lawng a uk i CE pa 6 ah Rom cozah nih Judea ci dairek in uk dingin bia an khiah i uktu ah Rom miphun an chiah hna. pilate (CE 26-36) zong kha hi bantuk Rom siangpahrang nih dairek uktu ah an chiahmi a si. Pilate kha Judea uktu lawng a si. Archelaus hi miṭhalo a si caah Jesuh le a nu le a pa kha Izipt ram an zaamnak in an kir lioah an ṭih i Galilee tu ah an i ṭhialnak a si. (Mtt. 2:22)

Galilee le Perea lei kha Antipas nih a uk i a pa bantuk miṭhalo a si. Tipil petu Johan lu tantu (Mk. 6:17-28) le Jesuh thihnak ding biachattu zong a si (Lk. 23:6-12). Jeim a thattu le Peter thah ding i thong a thlatu zong kha a si (Lam. 12:1-3). Rian cu a ṭuan kho ngai. Inn ṭhaṭha a sak. 

Palestine nichuahlei kha Philip nih a uk i Herod fapa hna lakah miṭha bik a si i CE 34 tiang ṭha tein rian a ṭuan kho. Hermon tlang tang i Caeserea Philipi khua a satu a si.

Judea uktu Archelaus zaka ah Rom kuttang uktu an thlah le cangka buainak a cat ballo i hremnak voi tampi an huah. A fak bik cu CE 66 ah a si i hi ruangah Rom ralbawi Titus nih CE 70 ah Jerusalem khua le biakinn zong a hrawh dih i Bawi Jesuh chim chung bia a tling ti zong an ti phahnak a si. A tawinak bik in hi hna hi Judah ram ṭhen uktu hna cu an si.

Cabia: Biakam Thar bawmtu

Use Facebook to Comment on this Post

arrow
0
Connecting
Please wait...
Send a message

Sorry, we aren't online at the moment. Leave a message.

Your name
* Email
* Describe your issue
Login now

Need more help? Save time by starting your support request online.

Your name
* Email
* Describe your issue
We're online!
Feedback

Help us help you better! Feel free to leave us any additional feedback.

How do you rate our support?