Maccabaen Ralthawhnak

Alexander a thih hnu ah Greek biaknak le nunphung biatak tein a dirpi i amah le amah pathian i aa cangmi ka si tiin a min hnulei ah Epiphanes tiin an benhmi cu Sysia singpahrang Antiochus IV Epiphanes (175-164 BCE) a si. Greek penmi ram paoh ah hramhram in Greek nunphung le biaknak a zulhter hna i Judahmi zong cuarpartan, sabbath ulh le a cathiang rel a thloh hna. A thiang bik tiin an ruahmi Jerusalem biakinnpi cu Greek pathian Zeus biaknak ah a ser i Judahmi biaknak caah a thur bik vok thisen tiang biakinn chungah cun a luanh.

Cucu Judahmi caah philh awk ṭha lo an caah a khaa tukmi le a faak tukmi serhsetnak a si. Cucaah Modein khuami Hasmonean tlangbawi chungkhar Matthathias le fale panga cu ram tangah kal in Antiochus IV cu an doh. Harnak le temhinnak fak tuk an tuar. Cu dohnak cu Maccabees raltuknak tiah an ti. Hi caan har lioah hin Daniel cauk hi a chuak an ti. Harnak chungin le sahrang le meiphu chungin a kan khamh khotu Judahmi Pathian a si tiin hlanlio Babylon chan BC kum zabu 6 nak lio Judah tlangval hna harnak caan tuanbia in thazaang peknak cauk a si. Daniel cauk lawng siloin hi caan lioah cauk tampi a chuak i cucu apocalyptic (thuhmi phuan)ncaṭial an ti.

Matthathias cu BCE 166 ah a thi i a thih hnuah a fapa pathumnak Judas Meccabaeus nih Jerusalem cu a lak khawh. Cu teinak puai philh lonak ah Judahmi nih nihin ni tiang meivan puai an ngei. Asinain caan tawite chung lawng a nguh i Syria ralkap nih Elasa ah Judahmi cu tam tuk an thah hna i Judas zong cu an thah ve. Cuticun an tei khawh tilo tikah a donghnak ah Rom ralkap sinah bawmh an hal hna i cuticun BCE 63 ah Rom ralbawi Pompey nih Palestine cu a lak dih i Rom kut tang tu ah an tla ṭhan.

Cabia: Biakam thar hngalhnak bawntu chungin.

Use Facebook to Comment on this Post

arrow
0
Connecting
Please wait...
Send a message

Sorry, we aren't online at the moment. Leave a message.

Your name
* Email
* Describe your issue
Login now

Need more help? Save time by starting your support request online.

Your name
* Email
* Describe your issue
We're online!
Feedback

Help us help you better! Feel free to leave us any additional feedback.

How do you rate our support?