Hngalhharmi Biaknak (Mystery Religion)

Khuaruahhar asiloah hngalhharmi biaknak hi Biakam thar vawlei ah tampi an rak um i Biakam thar fiannak caah a herh bik hngalhhar biaknak cu Mithraism an ti i Rom bawi tam bik biaknak a si. Hi biaknak ah hin htinṭhannak ti a um ve i cucu Taurolium an ti. Baibal thiam cheukhat nih hi biaknak hi Johan le Nikadimu an i ton lioah a langmi hrinṭhannak biafang a si hnga maw? an ti.

Hrinṭhannak an pom ning cu hitihin a si:- Hrinṭhan a duhmipa kha khor an cawh i an luhter i a cung an chinh piak. Cun cawtum kha an thah i a thi an vun luantet. Cu thisen cun aa kholh. Cu khor cun a hung chuah tikah cu mipa cu a thiang cang i hrinṭhanmi a si cang caah a hringtu a nu hnuk kha upapi a si cang nain a din. A ruang cu ngakchia chuakka bantuk in hrinṭhan a si cang tinak a si.

Cun hngalhharmi biaknak ah an tuahmi thil paoh hi zaan ah an tuah tawn. A sullam cu ni a tlak bantuk in sining hlun thih i a tharmi nunnak hmuh an duh caah a si. Nikadamu zong hi Judah mi hruaitu pakhat a si caah mi nih an ka hngalh sual lai tiin a thli in zaan i a rat i Jesuh a ton zong a si kho. Cun Johan thawngṭha hi Greek pawl umnak lakah ṭialmi a si bantuk in hi hngalhharmi biaknak hmanthlak a cuanter caah zaan thengah a ra a ti i hrinṭhannak kong thengte an i ceih zong a si kho men an ti. Cu lengah thawngṭha dangah hrinṭhannak kong aa ṭialnak a um bak lo. Hi bantuk biakam thar he aa lomi hngalhharmi biaknak tampi an um len.Tahchunhnak ah tipil innak, bawipa zanriah tbt. he aa lomi tuahsernak a ngeimi biaknak hi an um len. Fiangte bel in hngalh khawh mi an um lo.

Hi bantuk in biakam thar chan Rom pennak tang i a ummi biaknak tete ahhin a ṭha bik le a dik bik biaknak tiin a um lem lo i a hmaan lomi biaknak ti zong a um lem lo. Cucaah biaknak pakhat le pakhat i doh le i ral a um lem lo. A caan i an sipuazi a donhkhanh bel ah Pual zong kha an rak doh. (Lam. 17) Hi bantuk a dik lo biaknak a um tuk lem lo lioah Judahmi hi hmun kip ah an i ṭhek i an biaknak kha mi nih an hmuh tikah an lung a lak ngai hna. Hngalh a harmi zong a si lem lo. Cun nitin nunnak ah hman a tla tukmi le pakhat le pakhat pehtlaihnak zongah a tling tukmi biaknak a si tikah mitampi cu Judah biaknak ah an lut Judah phung a zul i Judahmi ah an i cang beh i proslete Jews an ti hna. Micheu cu Judah phung le miphun ah luh taktak loin an nawlbia lawng an zulh. Tch. Lam. 10:1ff i Rom ralbawi Corneluis kha cu bantuk phun cu a si.

Cu bantukin Judah biaknak le nawlbia nih an lung a laak ngai hna lioah a ṭha tukmi nawlbia tlamtlintertu Jesuh thawngṭha a vun luh tikah pom le zulh awkah an i fawih tuk. Cun zalong tein thawngṭha chim khawh a si i Paul le a hawi le hna thong an tlak tawnnak le harnak a petu hna hi anmah Judahmi an si khah. Cucaah biaknak pakhat a ṭha bik ti theng a um lo i mission ṭuan zong a um tuk lo lio, le mission ṭuan zong an hauh lo lio a si tikah thawngṭha karhnak ah a caan a ṭhat tuk lio a si i an hlawh a tling khun.

Cabia: Biakam thar hngalhnak bawmtu.

Use Facebook to Comment on this Post

arrow
0
Connecting
Please wait...
Send a message

Sorry, we aren't online at the moment. Leave a message.

Your name
* Email
* Describe your issue
Login now

Need more help? Save time by starting your support request online.

Your name
* Email
* Describe your issue
We're online!
Feedback

Help us help you better! Feel free to leave us any additional feedback.

How do you rate our support?