Gnostic Cawnpiaknak (Gnosticism)

Gnostic  cawnpiaknak hi zeitik set in dah aa thok ti hngalh khawh a har ngai. Kum zabu pakhatnak biakam thar chan khrihfa lakah cun hi cawnpiaknak hi a um rih lo ti a ruatmi zong an um. Asinain a cheu nih Johan caṭial hna le Kolose cakuat hna ah hi cawnpiaknak hi um cang dawh in a um an ti. A zei a va si hmanh ah biakkam thar fiannak ah a herh ngai vemi  a si caah a tawinak in kan zoh lai.

Gnostic cawnpiaknak hi kum zabu pahnihnak le pathumnak ahcun a tam ngai cang I khrihfabu hruaitu tampi zong nih hi cawnpiaknak dohnak caah ca tampi an rak ṭial cang. Hi hna ruahnak ahcun vawlei pahnih:- 1). Thlarau vawlei asiloah a thiangmi vawlei le, 2). Thilri  vawlei asiloah a thurmi vawlei tiin a um. A thiangmi Pathian cu a thurmi vawlei he pehtlaihnak a ngei kho lo.

A thurmi vawlei asiloah thilri vawlei ahcun minung hi sal bantuk in a taang I chuahnak lam a ngei lo. Zeicatiah hi a thurhnawmmi vawlei sertu nih hin chuak kho lo in a ven a ti. Cu chuah khawhnak cu lam pakhat te a um I cucu a thiangmi hngalhnak cit e (Divine Spark or Gnosis) ngeihnak in a si an ti. Cu cit e cu vawlei fimnak in hmuh khawh a si lo I khuaruahhar in Pathian nih dairek in a kan pekmi a si an ti. Hi cawnpiaknak nih hin thil ṭhalo phun hnih a hrin.

  1. Vawlei le minung pum cu a thurmi le a ṭhalo tukmi a si caah vawlei thil paoh cu hlawt ding a si I thlarau thil lawng papek ding a si tiin vawlei ṭhanchonak rian le tuahsernak hna hi thlarau caah zeihmanh san a tlai lo tiin thlarau duhnak lawng kawl I tlangkai, phungki bantuk in um I pum hrem le vawlei he aa pehtlaimi paoh hlawtnak ah an hman. (Atu lio Norway laimi ko nih kan I lak thiam ngai rua) tiah ka peh chap.
  2. Cun micheu nih hngalhnak Gnosis cu kan ngei cang I a thurmi vawlei le a thiangmi thlarau sinak cu pehtlaihnak an ngeih lo caah zei sualnak tuahnak tuah zongah kan thlarau nunnak he pehtlaihnak a ngei bak lo, tiin an I cawnpiak fawn.

Nihin laimi kan lak I a ummi cawnpiaknak hi thilthar si loin hlan lio biakam thar vawlei I a rak um mi le khrihfa hruaitu hna nih fak piin an rak doh cangmi le kum 2000 chung khrihfa hna nih an ton tawnmi cawnpiaknak a hung chuah ṭhan vet u khi a si ko.

Cabia: Biakam thar hngalhnak bawmtu chungin.

Use Facebook to Comment on this Post

arrow
0
Connecting
Please wait...
Send a message

Sorry, we aren't online at the moment. Leave a message.

Your name
* Email
* Describe your issue
Login now

Need more help? Save time by starting your support request online.

Your name
* Email
* Describe your issue
We're online!
Feedback

Help us help you better! Feel free to leave us any additional feedback.

How do you rate our support?