Plato Cawnpiaknak (Platonism)

Biakam Thar ah a min ngai a lang lo nain Biakam thar vawlei a hiip taktaktu ruahnak a si. A bikin Paul cakuat i thawhṭhannak (I Kor. 15:35ff, II Kor. 4-5) le Johan thawngṭha chung i zungzal nunnak kong a ṭial tikah hi ruahnak hi tampi an lak. Kum zabu 5 nak khrihfa Pa, St. Augustine i Pathian khualipi ti a ṭialmi cauk (kum 800 chung vawleipi a hiiptu cauk a si) zong kha hi ruahnak le khrihfa ruahnak fonh (Synthesis) in ṭialmi a si. (Millard Erickson, Christian Theology, p. 60-65).

Biakam hlun cauk ah hin thih hnu nun nak kong kan hmu kho tuk lo. Micheu nih Enock te hna Elijah te hna kha tah an ti tawn i hi hna hi thih hnu nun nak kong a si bal lo. An thi bal lo. Cun David nih pei a fapa a thih lioah, “Amah cu ka sinah a ra ṭhan ti lai lo, Keimah tu a sinah ka kal te lai” a ti kha an ti. Kha David nih a chim mi kha thih hnu nun nak kong si loin mithi khua an timi Sheol tu a si an ti. Cun micheu nih Phungchimtu 12:7 ah “Kan pum cu leidip ah a kir ṭhan lai i kan thaw cu a kan sertu Pathian sinah a kir ṭhan lai”, ti a um ṭung an ti ve. Asinain hngalh a herhmi cu hi phungchimtu cauk hi Biakam Thar chan ah rak ṭialmi si loinGreek ruahnak le nunphung nih vawlei a khuh hnu (Intertestamental period) i ṭialmi a si an ti. Hi caan (Biakam Hlun le Biakam Thar karlak) ah hin caṭial tampi a chuak i hi bantuk ruahnak hi tampi kan hmuh khawh.

Cucaah thih hnu nunnak kong hi Biakam Hlun ruahnak si loin (Biakam Hlun ahcun thihnak hi donghnak a si ko) Biakam Hlun chan hnu Intertestamental Period le Biakam Thar chan ah a hung chuakmi a si. A hna a putnak cu Plato ruahnak hi a si bik an ti. Annih ruahnak ahcun mi in hmuh khawh i kut in tongh khawhmi thil paoh cu a deu a si i a rawk dingmi le a hmun lomi an si dih. Atak i a thlam (copy) lawng an si i a tak cu mit hmuh khawh a si lo i kut zong in tongh khawh a si lo.

Tahchunhnak ah ṭhutdan cabuai kan timi, mit in hmuh khawh le kut in tongh khawhmi, cu a tak an si lo i hrawh khawh le kangh khawh an si. Asinain ṭhutdan le cabuai i a tak sinak cu mit in hmuh khawh lomi le kut in tongh khawh lomi zungthiampa thluak i a um caah ṭhutdan cabuai kan timi cu khang in hrawk dih hmanh ulaw zungthiampa thluak i a ummi cu hrawh khawh a si lo caah a rawk kho taktak lo. Ser ṭhan khawh a si. A tak a sinak cu a lo kho lo tinak a si, a ti.

Cu bantuk in mit in hmuh khawh le kut in tongh khawhmi minung pum cu a rawk athi lai nain Pathian sinah a ummi an thlarau cu zungzal in a hmun tiah khrihfa caṭialtu hna nih an rak laak len ve (II Kor. 4:18, 5:7, Fil. 3:20, Kol. 1:15, John 15,17, ect.) Plato hi Pathian a hngal lomi a si nain hi bantuk ruahnak a rak hmuh chung hi biakam thar lamkaltu ah Pathian nih a rak hman chung ti lo awk a ṭha lo. Cucaah cun pei Biakam Thar Bible thiam, Howard Clark Kee zong nih , “Biakam Thar chungah Plato min in cawnpiaknak a um lo nain Biakam Thar vawlei i Khrihfa thawngṭha caah cherhchan ṭha taktak a si i Biakam Thar a hiip ngaitu ruahnak a si,” a ti cu. (Howard Clark Kee, The living World Of The NT, p. 16)

Note: Introducing The NT chungin rak taar chin mi a si.

Use Facebook to Comment on this Post

arrow
0
Connecting
Please wait...
Send a message

Sorry, we aren't online at the moment. Leave a message.

Your name
* Email
* Describe your issue
Login now

Need more help? Save time by starting your support request online.

Your name
* Email
* Describe your issue
We're online!
Feedback

Help us help you better! Feel free to leave us any additional feedback.

How do you rate our support?