Stoik Cawnpiaknak (Stoicism)

Cyprus khuami Zeno timipa cawnpiaknak a zulmi an si. Zeno sianginn hi Stoa Poikile ah a um caah cu cawnpiaknak a zulmi pawl kha Stoik tiah an ti hnanak a si. (Stoicism, New Dictionary of Theology). Annih cawnpiaknak ahcun nunnak ah a biapi bik cu vawlei cung thil sining (Nature) he aa tlak in nun khawh hi a si ko. Cu ti nun khawhnak ding caah cun tuaktaannak le chiaṭha thleidannak hi fakpi in hman thiam a herh i lungthawhnak thil men kha i sum le hrial a herh an ti. Vawlei cung thil sining hi mah le sining an ngei dih i al khawh an si lo. Zei thil hmanh hi zeihmanh a si lo tiah ti ding an si fawn lo. Tahchunhnak ah saram hmanh khi upat dih ding an si. Cu thil sining cu hngalh i cu ning tein nun khawh ahcun nunnak hi sullam a ngei mi nunnak a si kho an ti.

Stoik pawl hi biakam thar chan ah mi nih upat ngaimi le anmah le anmah zong aa upat ngaimi an si. An sining an thlak sual hna le an i upatnak (dignity) a tlak sual ahcun mah le mah thah a ngamh tuk mi an si. Nihin tiang mifim tiah upat i a chimmi bia zong mifim bia tiin chim tawnmi Seneca (4BCE-65 CE), Epictetus (59-135 CE), Marcus Auelius (121-180 CE), tbt. te hna pawl hi Stoik mifim pawl an si. Seneca hoi hi cu Rom siangpahrang Nero ruahnak cheutu a si i a hnuah amah le amah aa that.

Paul nih Greek khualipi Athen khua ah hi cawnpiaknak pawl a ton hna tikah an i zuamnak kong ah a lawmh ve hna. Cun biakṭheng cung i hngalh lomi Pathian caah tiin an ṭialmi kha kaan chimhmi hna Pathian hi a si tiin an zumh khawh nakhnga a fianter hna. Nan sinah Pathian a um ko i hngalh lomi Pathian nan timi hi Jesuh Khrih thawng in hngalh khawh a si tiah a cawnpiak hna. Micheu nih cun an nihsawh i micheu nih cun an ngaih duh ngai i Dionisius leDamaris hna nih cun an zumh a ti. (Lam. 17:18-34). Nero ruahnak cheutu mifimpa Seneca zong hi Paul hawi le Paul cakuat rel a duh ngaimi a si, tiah Bart D. Ehrman nih cun a ti. (Ehrman, p. 246)

Hi khuaruahning hi Greek mifim deuh lawng nih an hngalh, an zulh i anmah hmanh nih thilthar a simi le an zumh ciami nak in a ṭha deuh an timi Paul thawngṭha kha an duh ngei. Zapi caah cun a har tuk lomi le tuaktaan a herh len lomi Jesuh thawngṭha nih an nun a thlen hna tikah Paul zong nih, Mifim hna sinah thuhmi cu mihrut nih kan hmuh, a ti phahnak a si (I Kor. 1:27)

Cabia: Introducing The NT chungin lak chinmi a si.

Use Facebook to Comment on this Post

arrow
0
Connecting
Please wait...
Send a message

Sorry, we aren't online at the moment. Leave a message.

Your name
* Email
* Describe your issue
Login now

Need more help? Save time by starting your support request online.

Your name
* Email
* Describe your issue
We're online!
Feedback

Help us help you better! Feel free to leave us any additional feedback.

How do you rate our support?