Epikurian Cawnpiaknak (Epicurianism)

Hi cawnpiaknak hi Greek mifim Epicurus (BCE 341-270) cawnpiaknak in aa thokmi a si i Biakam Thar chan ah hi khuaruahning hi mi tampi nih an i tlaih. Paul zong nih Athen khua ah thawhṭhannak kong a chim tikah a altu an si. (Lam. 17:18). Annih cawnpiaknak ahcun vawlei cung thil paoh hi thil hme tete (Atom) in aa semmi an si i minung pum zong hi a si ve. Cucaah sertu a um lo i Pathian zong a um lo tinak a si. Cucaah annih caah cun nunnak hi thil hmete in aa semmi men a si i tinhmi a ngei lo. Thih hi dongh ni a si ko caah nunnak hi nuam tein hman ding a si ko an ti.

Asinain hi cawnpiaknak a zulmi ah hin bu hnih in an um i nunning zong phun hnih a chuah pi. A cheu nih pumsa nuamhnak an pom lo. Pumsa nuamhnak kawl hi rili ti din bantuk a si i minung nuamhnak le hnangamnak taktak a pe kho lo. Pumsa nuamhnak le mah zawnruahnak nih hin lungthin diriamhnak taktak a donghnak tiang a chuahpi kho lo. Nunnak a thawtnak le hnangamnak taktak cu mah sining le tincomi ah lungsi hnangam i um thiam le hawikomhnak ngeihnak in a chuak an ti. Cu nih cun lungthin daihnak le hnangamnak a chuahpi an ti. (Donald K. McKim, Westminister Dictionary of Theological Terms, p. 91) Paul nih Fil. 4:13 ah lungsi hnangam in um ka thiam a timi he aa lo ngaimi ruahnak a si.

Asinain, Epikurian cheukhat nih cun thih hi donghnak a si ko caah nunnak hi a nuamh khawh chungin hman i sumnak le hmailei nunnak zong ruahchan in ṭuan ding a si lo tiin pumpa nuamhnak lawng a zulmi an um ve. Mithiang Paul nih, Thawhṭhannak hi um hlah sehlaw mi vialte lakah vanchia bik kan si hnga, tiah Greek khualipi i a ummi Korinth Khrihfabu ah ca a kuat hna hi ruahnak zong aa tel pah kho.

A tawinak in chim ahcun hi cawnpiaknak ah cun thih hi donghnak a si i hi vawlei nunnak hi nuamte in hman ding a si. Cu nuamhnak i a hrampi cu fahnak le thihnak in luat a si an ti caah cu lam cu a lam kip in an kawl. Cu lam cu nuamhnak in a si a ti na, covo i lungtlinh hi a si a ti na an si. Biakam Thar vawlei cu hi hna ruahnak nih a rak hiip ngai caah hi ruahnak in a chuakmi bible pawl fiannak ah fian hnasa a herh ve.

Cabia laknak: Introducing The NT.

Use Facebook to Comment on this Post

arrow
0
Connecting
Please wait...
Send a message

Sorry, we aren't online at the moment. Leave a message.

Your name
* Email
* Describe your issue
Login now

Need more help? Save time by starting your support request online.

Your name
* Email
* Describe your issue
We're online!
Feedback

Help us help you better! Feel free to leave us any additional feedback.

How do you rate our support?