Alexander Ngan le Hellen Nunphung Karhternak

Greek Holh, Nunphung le Khuaruahning nih a Hiipmi Vawlei

Biakam thar chan Rom pennak cu Nitla kholo pennak an rak ti. Asinain uknak le cozahlei lawngin Rom penmi vawlei a si i nunphung, hol le khuaruah ning ahcun Greek tthawnnak nih vawlei a hiip lio chan a si. Rom cozah nih a sermi uknak, innsakning, lam serning le tilakning tiang hi nihin chantharmi ca hmanh ah khuaruahhar in an ruah ttheo. Asinain hi thiamnak vialte hi Alexander Ngan (BCE 356-323) thiamnak an i lakmi lawngte an si dih. (Drane, p. 15)

Alexander Ngan le Hellen Nunphung Karhternak

Alexander ngan hi Macedonia peng uktu Filip II fapa a si i Alexander kum 20 a si ah a pa cu an thah i Alexander ni a chaan colh. Amah hi mitthawng, mifim, mi lianngan le tinhmi sang a ngeimi a si i a pennak hi a kauh chin lengmang. Vawlei pumpi hi a pennak tangah chiah a timh. Asinain vannchiat ah kum 10 fai ceo lawng a uk i kum 33 a si ah a thi ve. Asinain kum 20 in siangpahrang a ttuan i kum 33 ah vawlei cung minthang  i aa chuah khomi le vawilei pi ah miphun pakhat sining a tthek khotu cu amah lawng dah a si lai. Khuaruahhar minung pakhat cu a si ve.

Alexander Ngan hi a no lio ah Greek khuaruahnaklei mifim Aristotel siangngakchia a si i Aristotel sinin aa lakmi nunphung khuaruahning le fimnak kha a tthatning a hngal tukmi le a tep kho tukmi a si. Cun uktu dang bantukin nawlngeih lawng a duhmi si lo in a ttha tuk tiin a ruah mi Greek nunphung le fimnak kha vawlei cung khuazakip ah tthekter a timh. Cu caah Greek style in khuapi a ser hna. A penmi ram paoh ah Greek holh a hmanter hna. Greek nunphung le khuaruahning kha biatek tein a karhter. Cucu Hellenization ti a si i Hellen ti cu Greek ti a si ko caah Greek sinak karhter ti duhnak a si ko.

Alexander nih a karhter mi Greek holh, Greek nunphung le Greek khuaruahning cu a thih hnu kum 1000 ringlo tiang vawlei a hiip i nihin khrihfabu chung tiangah nitlaklei ram ahcun a lengtuk rih. Nihin vawlei cung singhleiruun ngan pipi zongah Greek khuruahning (Philosophy) a cawng lomi an um lo. A taktak ahcun hihi khuaruattu mifim (philosopher) pawl nak hmanh in Alexander thlaici tuhmi a si deuh.

Hi bantuk Greek nunphung, holh le khuaruahning nih a hiipmi vawlei ah khrihfa thawngttha a hung chuah tukah nihin Mirangholh bantuk in Greek holh kha Biakam thar thawngttha chimnak le ttialnak ah rak hman mi holh a si i holh kongkau ah vawlei pi hmanmi a si caah an rak buai tuk ti lo. Cun Alexander ngan nih Greek nunphung kha mission bantuk bak in a tthek dih cang caah khrihfa hmasa hna ca zongah thawngttha bia tthek le karhternak lam sial cia bantuk a si. Cu caah Alexander ngan hi Pathian nih thawngttha lam a rak sial chungtu ah tipil petu Johan bantuk in lamkaltu ah a rak thlah chung lo tiah aho nih dah a ti khawh? Cu Greek nunphung le khuaruahnak (philosophy) lakah Biakam thar chan minung ruahnak a hip ngaitu le Biakam thar cauk ah kan hmuh ttheomi cu a tanglei hna hi an si.

 Cabia laknak: Biakam thar hngalhnak bawmtu chungin.

Use Facebook to Comment on this Post

arrow
0
Connecting
Please wait...
Send a message

Sorry, we aren't online at the moment. Leave a message.

Your name
* Email
* Describe your issue
Login now

Need more help? Save time by starting your support request online.

Your name
* Email
* Describe your issue
We're online!
Feedback

Help us help you better! Feel free to leave us any additional feedback.

How do you rate our support?