Rom Penmi Vawlei (Dal 2)

Rom uktu pawl nih biapi ah an chiahmi hi uknak a si i biaknak hi biapi ah an chia lem lo. An penmi ram paoh daite le remte in um kha an duh bikmi a si i an penmi ram ah daih lo ahcun an kuttang ramṭhen uktu pawl zong an rian an phuah  ṭheo hna. Tahchunhnak ah, Pilate (CE 26-36) hoi hna kha an penmi Palestine ram ah hnahnawhnak a chuah ruangah ralrin an pek lengmang. Voikhat hoi hna cu Rom pathian le siangpahrang milem kha Jeruslem lam thluan i a taar ruangah a si i Rom siangpahrang nih fak awk hmanh a si nain ralrinnak an pek lehlam. Cun voikhat cu biakinn ngunkhuai kha tilaaknak kahcham cawhnak i a hman caah a si. (Pilate, The New Compact Bible Dictionary) Cu bantuk Rom ralkap nih ralrin pek cangmi a si caah Bawi Jesuh zong a sual a hmulo nain rammi hnahnawhnak chuah a ttih caah a thahter hna kha a si. Cu ruangah Biakam Thar cauk a tam deuh ahcun Rom uktu ṭhat lonak a um tuk lo i Pathian nih thimmi an si ti tiang a ti. Pathian a bia mi Judah mi tu kha Biakam Thar ah cun Khrihfa hnahnawhtu ral an si deuh.

Asinain, hi siangpahrang hna lakah hin Khrihfami caah hnahnawhnak chuahtertu siangpahrang ṭhalo an um ṭheo i cu hna cu: Claudius, Nero le “Domitian an si. Rom cattialtu Suetonius nih, Claudius siangpahrang nih chestus timi ruangah CE 49 ah Rom khua in Judahmi a dawi hna”  tiah ca a ṭial. Chestus a timi hi Greek holh Christos a si ahcun Judahmi nih Khrih ruangah Rom khua ah hnahnawhnak an chuahpi i cucu Claudius nih thei in a dawi hna i a si lai an ti. Chimduhmi cu Judahmi nih hnahnawhnak an chuahter ruangah a dawi hna hi siangpahrang ṭhatlo ruangah a si lem lo.

Asinain Nero le Domitian tu hi cu siangpahrang ṭhalo bak an si ko i Nero hoi hna hi cu hruh thawh hmang a si rih an ti. A hruh i a thawh lioah hin khuaruahhar thil hmuhsak ahcun a fim colj an ti. Cucaah Bible thiam cheukhat nih Khrihfa a hrem hnanak hi a ruang bik cu a hruh nih a thawh i cu a hruh thawh lioah cun a ralkap pawl nih fim seh tiin Rom khua an duah i a fim taktak. Asinain khua kha tamtuk a kangh tikah ralkap nih Nero ṭih in khrihfami an puh hna ruangah a si an ti.

Cun Domitian zong hi upat a duh tukmi le aa uah tukmi a si caah amah le amah kha pathian le bawipa aa ti i a rammi aa biak ter hna. Asinain khrihfami nih an biak duh lo tikah khrihfami fak tuk in a hrem hna hi a si lai tiah an zumh. Hi caan lio maw, a hnu deuh vak ah dik Biathlam cauk hi ṭial a si i sahrang ti bak in an ti. Pawlai a thimi a nung ṭhan, tiah Bia. 13 ah cun kan hmuh i cucu Nero hremnak cu a lo cang nain Domitian hi a hung chuak ṭhan a ti duhnak a si.

Hi hna pathum dah ti lo cu Biakam thar chan Rom siangpahrang dang hi cu an ṭha ko i khrihfami caah thawngṭha karhternak ah a ṭhat lio caan te a si. Cun Rom uktu nih hin lam ṭhaṭha an cawh i cu lio i nichuah le nitlak ram vialte a hlattu Apex Romana/Via-Ignatia hoi cu minthang tuk a si. Cu lengah tilam zong ṭha tuk in an ser i tilawng ṭhaṭha an ser hna. Cucaah hi vawlei pi Rom uknak tangah daite in a um itlunkalnak a ṭhat lioah Jesuh vawlei ah misual kham dingin a ṭum i a thawngṭha karhter a si hi minung thluak nih phanh khawh lomi dingthlu lairel Pathian khuakhannak a tlin tuk nak a si.

Rom Penmi Vawlei Dal 1nak

Cabia laknak: Introducing The NT By W. Khen Chum Bik

Use Facebook to Comment on this Post

arrow
0
Connecting
Please wait...
Send a message

Sorry, we aren't online at the moment. Leave a message.

Your name
* Email
* Describe your issue
Login now

Need more help? Save time by starting your support request online.

Your name
* Email
* Describe your issue
We're online!
Feedback

Help us help you better! Feel free to leave us any additional feedback.

How do you rate our support?