Rom Penmi Vawlei Dal 1

Rom uknak hi BCE 735 hrawngin aa thok tiah an ruah. Lothlo khua hmete an i uknak in aa thokmi a si i tlang pasarih chung i a ummi Rom khualipi tianh a hun huap. Cu ti cun a hung tthang niahmah i kum 250 chung hrawng cu mah le umnak hmun siangpahrang (local king) cio nih rak uk an si. A hnu deuh in miphun sang bawiphun le mirum i hawikom in nawlnheitu bu (Aristocratic Senate) an ser i cu nih cun an uk hna. Cu ti cun an pennak an vun kauh i BC 260 hrawng- cu chan lioah a rak tthawng bik Africa chaklei ah a ummi Carthage pawl an tei hna i Mediterranean rili kam dihlak tiang an pen hna.

Rom uktu hna lakah minthang bik le a pennak zong biatak tein a kauh i siangpahrang bantuk in uknak le nawlngeihnak zong a la dihtu cu Julius Caeser a si. Amah hi BCE 44 ah an thah i a fapa bantuk in aa cawmmi, a tu pa, Octavian nih a chaan i ralbawi minthang tuk le a tthawng tuk ciami a si caah ramchung hnahnawhnak a hloh dih i BCE 27 in ram cu amah kut tangah a tla dih i amah hi emperor tiah auh hmasa bik mi a si. A min zong Caeser Augustus tiah a hun i thlen i a sullam cu upat awktlak bik uktu tunak a si i emperor he aa khat ko. (Bart D. Ehrman, Historical introduction to the Early Christian Writings, p.27)

Hi pa caan (BCE 27-14CE) lioah hin milu relnak a tuah iJesuh a chuah lio kha a si. Milu relnak a tuah hi ngunkhuai ruah ah a si men lai tiah an zumh. Hi pa hnu i Rom siangpahrang a ttuanmi paoh nih an min hmai ah Caeser ti hi an hun i benh cio.

Caeser Augustus hi CE 14 ah a thi i amah a hun chaangtu hna cu;—

Tiberius (CE 14-37)— Hi pa caan ah Jesuh a rianttuan caan le a thih caan a si.

Caligula(CE 37-41)—
Claudius (CE41-54)—Rom khua in Judahmi a dawitu a si.

Nero (CE 54-68)— Khrihfa hremtu le Peter le Paul a thattu hna a si.

Vespasian (CE 69-79)— Hi caan lio ah Emperor pali an i tthen i Vespasian hi a donghnak bik a si.

Titus (CE 79-81)— Ralbawi a si lio ( AD 70) ah Judah mi ral an thawh caah Jerusalem biakinn tiang a hrawktu a si.

Domisian (CE 81-96)— Khrihfa hremtu, Johan zong Patmos tikulh i thong a thlatu le Biathlam cauk i sahrang an timi khi a si.

Nerva (CE 96-98)
Trajan (CE 98-117)
Hadrain (CE 117-138)— hna an si.

Source: Introducing The NT p. 16-17 By W. Khen Chum Bik

Use Facebook to Comment on this Post

arrow
0
Connecting
Please wait...
Send a message

Sorry, we aren't online at the moment. Leave a message.

Your name
* Email
* Describe your issue
Login now

Need more help? Save time by starting your support request online.

Your name
* Email
* Describe your issue
We're online!
Feedback

Help us help you better! Feel free to leave us any additional feedback.

How do you rate our support?